بْحبِّك وبعرف مش إلي أنتي

ورح ضل حبّك وين ما كنتي

ومدّلّك  بْشوقي  وحنيني   إيد

ولو غير إيد  بإيدك  حضنتي

بكرا  رح تفلّي  عادرب  بعيد

من  قلب  ياما بْدقّتو  سْكنتي

وأرجع  أنا  للآخ   والتشريد

أسرح  بمطرح   ما تْشَيطنتي

يا مْسافره  يمكن عا حب جديد

تنسي  الزمان   الْفيه  سلطنت

رح تسرقي   مني الحلم  والعيد

وتولّعي   مطرح   م  زيّنتي ..

ما أصعب  الفرقه   بلا  تمهيد

يا  ريت   منها   ما    تمكّنتي

كيف لك قلب عالقهر والتشريد

وكيف  تا قسيتي  بعد ما  لنتي

وحياة   سكرتنا   البدون   نبيد

الْفيها   ليالي   العمر     جنّنتي

رح ضل   وحدي   طيرك الغرّيد

رد   الفرح   ليكي    إذا حْزنتي

About these ads